Кыргызстанда малды идентификациялоонун экинчи этабы башталды

© Sputnik / Евгений Биятов / Медиабанкка өтүү19-я Российская агропромышленная выставка "Золотая осень-2017"
19-я Российская агропромышленная выставка Золотая осень-2017 - Sputnik Кыргызстан
Жазылуу
Идентификациялоонун биринчи этабында каттоодон уйлар жана кунажындар өткөрүлгөн

БИШКЕК, 21-ноя. — Sputnik. Кыргызстанда малды идентификациялоонун экинчи этабы ишке ашырылып жатканын Ветеринардык жана фитосанитардык коопсуздук боюнча мамлекеттик инспекциясынан билдиришти.

Иш-чаранын бул этабында букалар менен быйылкы торпоктор каттоодон өткөрүлөт.

"2018-жылдын экинчи кварталына чейин мүйүздүү эркек малды бүтүрүп алсак, андан кийин жылкы, кой-эчки жана чочколорду идентификациялайбыз. Ал эми иттердин 80 пайызы катталып бүттү", — деп айтылат билдирүүдө.

Эске салсак, малды идентификациялоонун I этабына 40 миллион сом жумшалып, көбүнчө уйлар менен кунажындар катталган.

Кыргызстандын ЕАЭБдин курамына кирүүсүнүн алкагында ишке ашып жаткан бул өнөктүктүн экинчи этабына керектелүүчү 1600 бирка жана 500 даана смартфон даярдалып, жер-жерлерге жиберилди.

Жаңылыктар түрмөгү
0