БИШКЕК, 10-ноя. — Sputnik. “Колобок” каймана аты менен таанымал Александр Орлов менен журналист Роман Четиндин ортосундагы бокста Орлов жеңип чыкты.
Эске салсак, НТВ каналынын репортеру Никита Развозжаева 2-август күнү аба десанттарынын майрамына карата репортажды алып барып жаткан жеринен аны десантчы Александр Орлов уруп ийген.
Мындан кийин таяк жеген журналисттин кесиптеши Роман Четин соңиалдык тармактар аркылуу Орловду күч санышууга чакырган. Атаандашы сунушка дароо макул болгону менен таймаш эки ирет жылдырылып, бүгүн гана Москва шаарында өттү.
Төрт раундга созулган таймашта, атаандаштар бири-биринен калышпай, кызыктуу мелдеш көрсөтүштү.
Маалыматка караганда, Четиндин салмагы 96 килограм болсо, каршылашыныкы 111ге жеткен.
