Эмнени гана көрбөдүк! Кыргыз милициясынын майрамына арналган автопарад

БИШКЕК, 1-ноя. — Sputnik. Бишкекте милиция кызматкерлеринин кесиптик майрамына карата Чүй облустук ички иштер башкармалыгынын жетекчиси Канат Жумагазиевдин демилгеси менен автопарад уюштурулду. Бул тууралуу аталган башкармалыктын басма сөз кызматы Тилек Исаев билдирди.

Автопараддын максаты — милиция кызматкерининин жашоосундагы автоунаалардын ролун көрсөтүү. Жалпысынан параддан беш үлгүдөгү унаа өтүп, алар эртең мененки 10:00дө Чүй облусттук ички иштер башкармалыгынын имаратынан баштап Токмок шаарына чейин кыдырып чыгышат. Ал ортодо жолдон токтоп эл менен ар кандай көйгөйлөрдү талкуулашмакчы.

"Кыргыз милициясы уюшулган жылдан тарта эмнелер гана болгон жок, митингдер өттү, оор кырдаалдарга туш келдик, эми ошонун баары артта калды деп турабыз. Биздин кызмат үчүн автоунаалардын ролу чоң. Өзгөчө жаштар милиция кызматкерлери кандай унаа менен кызмат көрсөтүп келгендигин билишпейт. Биз азыр борбордук аянттан чыгып Токмок шаарына чейин кыдырып, ошол жактан мал союп майрамыбызды белгилейбиз. Негизи ишти өзүбүздүн имараттан баштаганбыз. Улам токтоп элдин көйгөйүнө назар салып, пикир алышабыз. Биз бул иш-чараны масштабдуу өткөрөлү дегенбиз. Бирок министр мындай ишти эки жылдан кийин боло турчу 95 жылдык мааракебизгекалтырды", — деди Исаев.

Автопараддын катарын төмөнкү машиналардын катарында 1970-жылы алгачкы жолу милиция кызматкерлерине берилген мотоцикл, 1975-жылы берилген "Москвич", 1985-жылы берилген "Жигули", 1992-жылы берилген Lada Жигули менен 2015-жылы берилген Renault Logan автоунаасы бар.

Тилек Исаев ошондой эле көлөмдүү машиналар жол коопсуздугу үчүн парадга чыгарылбаганын айтып, мындай саамалык алгачкы жолу өтүп жатканын белгиледи.