БИШКЕК, 30-окт. — Sputnik. Кыргызстандык студент Ильгиз Шернияздын тасмасы "CINEMA CAMP – 2017" эл аралык фестивалында финалга чыкты. Бул тууралуу аталган сынактын социалдык тармактагы баракчасына жазылды.
"КиноДети" номинациясында мыктылардын арасында ат салышып жаткан тасманын аталышы — "Мергенчи".
Режессердун айтымында, фильм группалаштарынын жардамы менен тартылган.
"Чогуу окуган балдар менен сүйлөшүп отуруп эле кино тартуу идеясы келип калды. Алгач төрт бала үч миң сомдон акча чогултуп ишти баштаганбыз", — деди Шернияз.
Сынактын жыйынтыгы 4-5-ноябрь күндөрү Казань шаарында аныкталат.
"CINEMA CAMP" — фестивалы жыл сайын жаш таланттарды колдоо, аларга жол көрсөтүү жана башын бириктирүү максатында өткөрүлүп келет.
