Айыл чарба министри Мурашевдин үстүнөн милицияга арыз түштү

© Пресс-служба правительства / Сабыр АильчиевАйыл чарба, тамак-аш өнөр жайы жана мелиорация министри Нурбек Мурашевдин архивдик сүрөтү
Айыл чарба, тамак-аш өнөр жайы жана мелиорация министри Нурбек Мурашевдин архивдик сүрөтү - Sputnik Кыргызстан
Жазылуу
Yandex newsTelegram
Ноокен районунун тургуну аны министр Мурашев сабап салганын айтып, милицияга кайрылды

БИШКЕК, 15-окт. — Sputnik. Айыл чарба, тамак-аш өнөр жайы жана мелиорация министри Нурбек Мурашевдин үстүнөн арыз түшкөнүн Sputnik Кыргызстан агенттигине Жалал-Абад ОИИБден билдиришти.

Маалыматка караганда, жалал-абаддык К.М. аттуу жаран аны 15-октябрда Сакалды айыл аймагындагы №2186 шайлоо участогунун жанынан министр Мурашев сабап салганын айткан. Себеби азырынча белгисиз.

"Бул окуянын шайлоо менен эч кандай тиешеси жок. Эки эркектин ортосунда башка маселе боюнча пикир келишпестиктер чыгып кетип, бири милицияга арыз менен кайрылды", — деп айтылат билдирүүдө.

Мужчина с портфелем - Sputnik Кыргызстан
Рингден трибунага карай жол. Спорттон саясатка секирген аткаминерлер
Милиция окуянын чоо-жайын тактап жатканын айтты.

Эске салсак, 2014-жылдын февраль айында Улуттук госпиталдын дарыгери ал кездеги депутат Мурашев ага жумуш ордунан кол көтөргөнүн айтып, арыз жазган. Депутат сабаганын мойнуна албаганы менен экөөнүн ортосунда пикир келишпестиктер болгонун билдирип, кийин тараптар элдешкен.

Ал эми 2015-жылы шаардык кеңештин депутаты Кабылжан Кимсанбаевге кол көтөргөндүгү айтылып, Мурашев бул маалыматты дагы жокко чыгарган.

Жаңылыктар түрмөгү
0