Каныбек Иманалиев акыркы ирет Канат Исаев менен качан, эмне боюнча сүйлөшкөнүн айтты

© Фото / пресс-служба ЖКЖогорку Кеңештин депутаты Каныбек Иманалиевдин архивдик сүрөтү
Жогорку Кеңештин депутаты Каныбек Иманалиевдин архивдик сүрөтү - Sputnik Кыргызстан
Жазылуу
Yandex newsTelegram
Интернетте депутаттар Канатбек Исаев менен Каныбек Иманалиевдин “төңкөрүш жасоо үчүн” кылмыштуу топтун мүчөлөрүнө “кайрылганын” талкуулаган криминал өкүдөрүнүн сөзү түшкөн видео тарады
БИШКЕК, 30-сен. — Sputnik. Жогорку Кеңештин депутаты Каныбек Иманалиев Sputnik Кыргызстан агенттигине анын аты аталган видео тууралуу түшүндүрмө берди.
Эскерте кетсек, Абдураим Бакытов аттуу пайладануучу өзүнүн Youtube каналына ЖК депутаты Канат Исаевге байланышкан үч видеотасманы жарыялаган.
Анда криминал өкүлдөрү депутаттар Канатбек Исаев менен Каныбек Иманалиев кылмыштуу топтун мүчөлөрүнө “шайлоо үчүн эмес, төңкөрүш үчүн” кайрылганын бири-бири менен талкуулаганы чагылдырылган.

“Бул провокация, бир да “кара”, же криминалдын бир да өкүлү менен мен жолуккан эмесмин, жолугуу ниетим даболгон эмес. Канат Исаев менен шайлоо өнөктүгүнө чейин көрүшкөм. Бийликти басып алуу же криминал өкүлдөрүнө акча таратуу тууралуу сөз болгон эмес, болушу мүмкүн даэмес эле. 5-6 күн мурун ал мени бир кафеге чакырган, бир топ адамдар менен отуруптур, аларды айыл өкмөт башчылары деп тааныштырды”,— деди Иманалиев.

Депутат ал адамдар менен баарлашпаганын, андан соң Исаев экөө сүйлөшкөнүн, бирок алардын ортосунда жай гана сөз болгонун, криминал тууралуу да, шайлоо тууралуу да пикир алышпаганын билдирди.

“Бул провокация. Анткени бийлик менен криминалдын аралашуусуна жол бербөө тууралуу парламенттик сессиядан мен айткам. Өмүрүмдө аларды көргөн эмесмин (кылмыштуу топ— ред.), аттарын билбейм, Улан деген бирөөгө чалды деген суу кечпеген сөз. Тергөө амалдары аяктагыча монтаж деп даайткым келбейт”,— деди эл өкүлү.

Акча санап жаткан адамдын архивдик сүрөтү - Sputnik Кыргызстан
Интернетте Исаевге окшогон кишинин "согушкерлер үчүн акча берген" видеосу тарады
Учурда тергөө иштери жүрүп жатат.
Жаңылыктар түрмөгү
0