БИШКЕК, 11-сен. — Sputnik. Кыргызстандыктар ыплас өткөн президенттик шайлоону кабыл албай турганын мамлекет башчысы Алмазбек Атамбаев "Ала-Арча" мамлекеттик резиденциясында өтүп жаткан Коопсуздук кеңешинин жыйынында билдирди.
Күн тартибинде бир гана маселе — Кыргызстанда президенттик шайлоого даярдык жана өткөрүү жөнүндө каралууда.
"Шайлоону жакшы өткөрүү керек. Шайлоо таза өткөндө гана анын жыйынтыгын эл тааныйт, таза болбосо кабыл албай коёт", — деди Атамбаев.
Ал ошондой эле 2015-жылы парламенттик шайлоо учурунда бир топ нааразычылыктар болгонун айтты.
