Анжелина Жоли менен Брэд Питтин жакшы кабары тууралуу айтылды

© AP Photo / Evan AgostiniГолливуд жылдыздары Брэд Питт менен Анжелина Жоли. Архивное фото
Голливуд жылдыздары Брэд Питт менен Анжелина Жоли. Архивное фото - Sputnik Кыргызстан
Жазылуу
Биографтын айтымында, жубайлар мындан бир айдан ашык убакыт мурда Беверли-Хиллздеги үйүндө кездешип, кепке келишкен.

БИШКЕК, 4-сен. — Sputnik. Голливуд жылдыздары Брэд Питт менен Анжелина Жоли кайра жараша турган болду. Бул туурасында алардын биографы Daily Mail басылмасына айтып бергенин РИА Новости жазды. 

Биограф Гальпериндин айтымында, жубайлар мындан бир айдан ашык убакыт мурда Беверли-Хиллздеги үйүндө кездешип, кепке келишкен.

"Биринчи кадамды Брэд жасап, келди. Андан соң алар кучакташып калышты", — деп айтып берген биограф.

Экөөнүн он айдан берки алгачкы жолугушуусу алардын ажырашуусун жөндөп жаткан кеңешчинин жардамы менен болгон.

"Азыр маанайлары жакшы. Жубайлар бири-бирин дагы деле жакшы көрө тургандыгын байкоого болот", — деген Гальперин.

Эми актер балдары менен каалаганча жолугууга мүмкүнчүлүк алган.

Жубайлар. Архив - Sputnik Кыргызстан
Ажырашуу азабы эмнеден келип чыгат? Үй-бүлөлүк чыр-чатактын себептери
Буга чейин US Weekly журналы Брэд Питт менен Анжелина Жолинин жакындарына таянып, былтыркы сентябрда ажырашууга арыз берген жубайлар кайра жарашуусу мүмкүндүгүн жазган.

Жубайлар 2014-жылдын август айында баш кошкон. Алар 2004-жылы "Мистер жана миссис Смит" тасмасы тартылып жатканда жолугуп, ошондон бери чогуу жашап келишкен. Жубайлардын өздөрүнүн үч баласы болсо, дагы үчөөнү асырап алышкан.

Голливуд жылдыздарынын ажырашып жатканы 2016-жылдын сентябрында маалымдалган.

Буга чейин басылмалар Брэд асырап алган уулу Мэддокско жасаган жаман мамилеси тууралуу жазган эле.

Жаңылыктар түрмөгү
0