Анын айтымында, кайненеси уктап жаткан жеринен таш менен башка чаап өлтүрүп, андан соң коркуп окуя тууралуу эжесине билдирген.
"Кайненемди төшөккө ороп, байлап, такси чакырдык да, "Анар" кичи районуна эжемдин үйүнө алып барып балконго коюп койдук. Кайра үйгө келип кандын тактарын тазаладым. Андан соң эжемдин үйүнө барып, эмне кылабыз деп ойлондук", — деп айтып берген ал.
Ал сурак учурунда кайненесинин башын кесип балконго чыгарып койгондугун жана андан кийинки окуяны тизмектеп айтып берген.
Ал эки баласы бар экендигин да билдирген.
Эске сала кетсек, Ош шаарынын түштүк-чыгыш аймагында жайгашкан Мамлекеттик социалдык университетинин маңдайындагы таштанды челектен 27-август күнү 10.30дар чамасында 40-50 жаш чамасындагы аялдын сөөгү "Тазалык" ишканасынын кызматкерлери тарабынан табылган. Өлүктүн башы жок экендигин жана текшерүү учурунда анын буттарын кесүүгө аракет жасалгандыгын милициядан кабарлашкан.
