БИШКЕК, 14-авг. — Sputnik. АКШнын Аризона штатындагы музейден нидерландиялык сүрөтчү Виллем де Куниндин "Охра аял" аттуу уурдалган эмгеги 31 жылдан кийин табылды. Бул тууралуу РИА Новости аталган музейдин сайтына шилтеме кылып билдирди.
Баалуу буюмду сатып жаткан Дэвид Ван Аукер бул эмгекти жеке коллекциялардын арасынан таап, аны менен кошо дагы башка сүрөттөрдү эки миң долларга сатып алган.
Музей кызматкерлеринин айтуусу боюнча сүрөттү 1985-жылдын ноябрь айында белгисиз эркек менен аял уурдап кеткен. Аял музейдин күзөтчүсүн алаксытып турганча эркеги 15 мүнөткө жетпеген убакытта сүрөттү чыгарып кетүүгө үлгүргөн.
Баалуу эмгектин баасы азырынча билине элек, бирок буга чейин Американын National Public Radio радиосу сүрөт 160 миллион доллар тураарын маалымдаган.
