БИШКЕК, 1-авг. — Sputnik. "Кант" аскер базасында бүгүн Ан-26 эки учак тапшырылат деп кабарлады КРдин Генералдык штабынын маалымат кызматы.
Президент Алмазбек Атамбаев жакында болгон маалымат жыйында Россиядан миң тоннага жакын аскердик шаймандар келе тургандыгын айткан эле.
"2017-жылдын 10-августунда Ан-26 учактары тапшырылып, "Кантта" авиациялык техникаларды пайдалануу бөлүгү ачылат", — деп айтылды билдирүүдө.
Ан-26 — советтик мезгилден бери келе жаткан учак. Анын экипажы алты кишиден туруп, ичине 38ге чейин киши батат. Эгерде атайын даярдыктагы десантчылар болсо, алардын 30у сыят. Жалпысынан 5,5 тонна жүк көтөрө алат. Катуу күүлөнгөндө саатына 540 чакырымга учуп, бомба таштоого жөндөмдүү.
