27-июлдан 30-июлга чейин уланчу иш-чара Бишкек шаарында өтүп, Ысык-Көлдүн жээгинде жыйынтыкталат. Анда чет мамлекеттерден келген 150дөн ашык кол өнөрчүлөрдүн кийиз жана кездемеден жасалган буюмдарынын жарманкеси болот.
Фестивалдын алкагында дизайнерлер өздөрүнүн эмгектерин сунуштап, сүрөтчү жана акындар арасында сынактар уюштурулат. Андан сырткары, катышуучулар атайын мастер-класстарды, ал эми жаштар түрдүү акцияларды өткөрөт.
Ала-Тоо аянтынын чыгыш жагында ачылган жарманкенин алгачкы күнү эле кол өнөрчүлүккө кызыккан шаардыктар толо келишти. Алардын ар бири бул жерден өз кыялындагы адеми буюм-тайым же кийим-кечек таба алышат.
Аталган фестиваль Кыргызстанда 2006-жылдан бери өткөрүлүп келет.
