Абдыжапаров: "Саякбай" тасмасы аркылуу дүйнө эли манасчылык өнөрүн билгени турат
Кыргызга гана тиешелүү манасчылык өнөрдү эми "Саякбай" тасмасы аркылуу дүйнө эли көрө алат деген пикирин Sputnik Кыргызстан агенттигине фильмдин режиссеру Эрнест Абдыжапаров билдирди.
"Бүгүн Монреаль кинофестивалына чакыруу алдык. Ушинтип кыргыздардын өзгөчө дүйнөсүн дүйнөгө таанытабыз деп кубанып турган чагыбыз", — деди Абдыжапаров.
Тасманын басымдуу бөлүгү улуу манасчынын туулуп өскөн жери Тоң аймагында тартылган.
Буга чейин Канаданын Монреаль шаарында өткөн кинофестивалда Дальмира Тилепбергенованын "Асман алдында" тасмасы калыстар тобунун атайын сыйлыгына, режиссерлор Бакыт Мукул менен Дастан Жапар уулунун "Ата керээзи" фильми "Алтын зенитке" ээ болгон.
