Теннесси штатындагы (АКШ) Жаратылыш ресурстары жана жапайы жаратылышты коргоо агенттигинин кызматкерлери тебише кеткен ак куйруктуу бугулардын видеосун Facebook баракчасына жарыялады.
Эки жаныбардын алышып жаткан учуру токойго коюлган видео байкоолордун бирине түшүп калган. Агенттиктин кызматкерлери алардын чырдашуусу тамак талашуудан улам чыккан деп божомолдоодо.
Ак куйруктуу бугулар Түндүк Америкада кеңири жайылган бугулардын түрүнө кирет. Мындай жаныбарларды Канаданын түштүгүнөн, Перу жана Бразилиянын түндүгүнөн кезиктирүүгө болот.
