БИШКЕК, 27-июн. — Sputnik. Кыргызстандык боксчу Өмүрбек Малабеков профессионалдар арасындагы биринчи беттешин жеңиш менен жыйынтыктады. Бул тууралуу спортчу өзү Sputnik Кыргызстанга кабарлады.
Анын айтымында, мелдеш 23-июнда Эстониянын Сааремаа аралында өткөн.
"Мен биринчи жолу профессионалдар арасында беттештим. Алты раунд кармаштын жыйынтыгы менен жеңиш мага буйруду", — деди Малабеков.
Боксчу кийинки профессионалдык беттешин ушул жылдын сентябрь айында Россияда өткөрөт. Учурда ал Санкт-Петербургда машыгып жатат. Буга чейин ал Азия биринчилигинде коло медаль тагынган.
