БИШКЕК, 19-июн. — Sputnik. Жол салган компаниялар курулган жолду колдонууга бергенден кийин беш жыл кепилдик шартташы керек. Бул тууралуу Жогорку Кеңештин расмий сайтында жарыяланды.
Аталган демилге мыйзам долбоорунун алкагында Жогорку Кеңештин айрым депутаттары тарабынан көтөрүлүп чыккан.
Жол курган ишканалар учурда Кыргызстанда сапаты үчүн эки жылдык кепилдик берип келет. Эгерде депутаттардын бул демилгеси колдоо тапса мөөнөт беш жылга чейин узартылат.
Андан сырткары, азыр оңдоо-түзөө иштери аткарылгандан кийин бир жылга кепилдик берилип келсе, бул мөөнөт үч жылга чейин көбөйөт.
