БИШКЕК, 16-июн. — Sputnik. Мамлекеттик чек ара кызматынын үч жоокери мыйзамсыз миграция каналын уюштурганы үчүн турак колониясында үч жыл жаза өтөмөй болду. Бул тууралуу Башкы прокуратуранын маалымат борбору билдирди.
Өкүмдү Бишкек шаардык сот чыгарган. 2016-жылдын 30-апрелинде Аскер прокуратурасы аталган чек арачыларга кылмыш ишин козгогон. Тергөөнүн жүрүшүндө былтыр Өзбекстандын жараны чек арачылардын жардамы менен жасалма паспорттун негизинде чек арадан өтүп, Кыргызстандан Стамбулга учуп кеткен.
Бирок Түркиядан жасалма документ ачыкка чыгып, өзбекстандык жаран кайра артка кайтарылган. Кыргызстанга келгенден кийин баягы эле чек арачылар көзөмөл пунктунан тыш өткөрүп жиберишкен.
