БИШКЕК, 16-июн. — Sputnik. Голландияда эки баштуу дельфинди алгачкы жолу сүрөткө тартып чыгарышты. Бул тууралуу National Geographic басылмасы жазып чыкты.
Маалыматка ылайык, балыкчылар сиам эгиздерин Түндүк деңизден кокусунан кармап алып, мындай улоо Голландияда жана Европалык биримдиктин мыйзамдарына туура келбегендиктен таң калычтуу дельфинди кайра деңизге кое беришкен.
Dutch trawler caught a siamese porpoise calf yesterday. Fishermen threw it back overboard in fear of prosecution, so no chance for research. pic.twitter.com/9XrwqKMnLI
— Daniel Moore (@dm_moore_) 7 июня 2017 г.
Бирок алар дельфинди бир нече жолу сүрөткө тартып, окумуштууларга жөнөтүшкөн. Илимпоздор бул сейрек кездешкен көрүнүш экенин айтышкан.
"Кит жана дельфиндер арасында сиам эгиздери чанда кездешет. Менин практикамда мындай учур тогузунчу жолу катталып жатат", — деди илимпоз Эрвин Компанье.
Ал ошондой эле сүрөттөн дельфин эмне себептен өлгөнүн так аныктоого мүмкүн эместигин айтып, бала дельфин энесинин жатынынан чыкканда эле мерт болушу мүмкүн экендигин билдирген.
