Радиостудия Sputnik Кыргызстан в Бишкеке - Sputnik Кыргызстан
Радио

Нурматов: Москвада "кайрымдуулук жарамазанын" айтуу дагы уланат

© Фото / предоставлено Зулпидином НурматовымКолумнист Зулпидин Нурматовдун архивдик сүрөтү
Колумнист Зулпидин Нурматовдун архивдик сүрөтү - Sputnik Кыргызстан
Жазылуу
Мигранттар жекшемби күнү кыргыздар иштеген кафе, ишкана жана базарларды кыдырып "кайрымдуулук жарамазанын" айтып 55 200 рубль акча чогулта алышкан.
Нурматов: Москвада "кайрымдуулук жарамазанын" айтуу дагы уланат

Москвада эмгектенген кыргызстандыктар "кайрымдуулук жарамазанын" айтып, андан түшкөн каржататты мээ рагы менен ооруган Мухидин Ибрагимовдун ата-энесине беришти. Бул тууралуу Sputnik Кыргызстан радиосуна уюштуруучулардын бири Зулпидин Нурматов билдирди.

"Уулкан деген карындашыбыздын демилгеси менен 15 адам чогулуп "кайрымдуулук жарамазанын" айтып, 14 жерге бардык. Баары кубануу менен кабыл алып колунан келген нерселерин берип жатты. Муну көргөн башка мекендештерибиз да чакырууда. Эки-үч күндөн кийин дагы уюштурабыз", — деди Нурматов.

Дарыгерлер 18 жаштагы Мухидинге мээнин рагы деген диагноз коюшкан. Ал бул илдет менен үч жылдан бери алышып келүүдө. Ага 13-май күнү Москвадагы клиникалардын биринде операция жасалган. Атасы Тажидин Ибрагимовдун айтымында, учурда ал жандандыруу бөлүмүнөн чыга элек. Күнүмдүк дарылануусуна 1070 евро керектелүүдө. Буга чейин да ар кандай кайрымдуулук иш-чараларды уюштурулуп жалпысынан 700 миң рублга жакын каражат чогулган.

Ыйык Рамазан айында ооз бекитүү (имсак) жана ооз ачуу (ифтар) убактысын 2017-жылдын орозо календарынан караңыздар>>

Жаңылыктар түрмөгү
0
Алгач жаңыларыАлгач эскилери
loader