Радиостудия Sputnik Кыргызстан в Бишкеке - Sputnik Кыргызстан
Радио

Капалбаев: жарамазанды кичине балдар эмес бозой жигиттер айткан

© Sputnik / Табылды КадырбековЭтнограф Октябрь Капалбаев маек учурунда
Этнограф Октябрь Капалбаев маек учурунда - Sputnik Кыргызстан
Жазылуу
Этнограф Октябрь Капалбаев жарамазан салтынын маани-маңызы төмөндөп келе жатканын, андагы эрежелер сакталбай калганын айтып, мурда жарамазанды кимдер кандай кылып айтканын түшүндүрүп берди.
Капалбаев: жарамазанды кичине балдар эмес бозой жигиттер айткан

Тарыхчынын айтымында, жарамазанды азыркыдай жаш балдар эмес балакатка жеткен кыл мурут жигиттер ырдачу.

"Жарамазанды балакаттан өткөн, башкача айтканда, 12 жаштан өтүп бойго жеткендер менен бозой жигиттер айткан. Алар жарамазанды да жөн эле айтып койбой маани-маңызына жараша аспаптын коштоосу менен ырдашкан. Ошондой эле аны айткан адамдын тилинде мөөрү, акындык өнөрү болуп кем дегенде эки-үч саат ырдаган. Азыр жаш балдардан тарта, кыздарга чейин үймө-үй, көчөмө-көчө кыдырып тилемчи сыяктуу айтып жүрүшкөнү туура эмес", — деди Капалбаев.

Ал ошондой эле кичине балдардын бата берип жүргөнүн сынга алып, кыргызда улуу адам гана бата берээрин, жаш балдар тескерисинче батага муктаж экендигин кошумчалады.

Ыйык Рамазан айында ооз бекитүү (имсак) жана ооз ачуу (ифтар) убактысын 2017-жылдын Орозо календарынан караңыздар>>

Жаңылыктар түрмөгү
0