БИШКЕК, 3-июн. — Sputnik. Бишкекте бүгүн менталдык арифметика боюнча "Кичинекей гений" аталышындагы III эл аралык олимпиада өтөт. Бул тууралуу Билим берүү министрлигинин маалымат кызматы билдирди.
Олимпиадага Кыргызстан, Өзбекстан жана Казакстан өлкөлөрүнөн 200гө жакын жаш генийлер катышат.
Менталдык арифметика — Кыргызстанда баланын интеллектуалдык деңгээлин өнүктүргөн дагы бир жаңы методика. Ал баланын эске тутуусун жакшыртып, аналитикалык жана чыгармачыл ойлонууга жол ачып, элестетүүнү өнүктүрүп, ойду бир жерге топтоого жардам берет.
Сынактан жеңүчүүлөрү июль айында Анталияда өтө турган эл аралык олимпиадага катышууга жолдомо алат.
