Камчыбекова чыгарылган алтын куймалардын эл аралык коомчулук тааныган сапат стандарттарына жооп бериши — афинаждоочу заводдун ишмердүүлүгүнүн негизги аспектилеринин бири экенин баса белгиледи. Ошондой эле бүгүнкү күндө филиал ишенимдүү жеткирүүчүлөрдүн тизмесине киргенин айтты. Тизме LBMA тарабынан жыл сайын жарыяланган маанилүү документтердин бири болуп саналат.
"2016-жылдан бери Кара-Балтадагы заводдон чыгарылган ар бир алтын куймалары LBMA стандартына туура келет. Бул стандарттарды сактоо Доре куймаларын чыгарган өнөктөштөр менен келишим түзүүнү жакшыртат. Документ Кыргызстандагы аффинаждык өнүрүштү дүйнөдөгү эң мыкты аффинаждык алтын чыгаруучу өндүрүшчүлөрдүн катарына чыгарат", — деди Камчыбекова.
LBMA – Лондондогу баалуу металлдар рыногунун катышуучуларынын ассоциациясы. Инвесторлорду, банктарды жана башка дүйнөдөгү кадыр-барктуу каржы мекемелерди бириктирет жана 2004-жылдан тартып алтын, күмүш, палладий жана платинанын даяр продукциясынын өндүрүшү менен иш алып барган аффинаждоочу ишканалардын программасына мониторинг жүргүзүп келет. Бүгүнкү күндө иш жүзүндө LBMAны аталган тармактагы рыноктун абсолюттук лидери деп атоого болот.
