БИШКЕК, 31-май — Sputnik. Орус-кыргыз өнүктүрүү фонду багбан-фермерлер үчүн жеңилдетилген насыя берүүнү иштеп чыкты. Бул тууралуу фонддун маалымат кызматы билдирди.
Насыяны фондго өнөктөш банктардан алса болот. Насыянын бул түрү да чакан жана орто бизнести колдоо үчүн берилет. 1 миллион долларды эң узак 5 жылдык мөөнөткө алса болот. Пайыздык коюм сом менен жылына 12 пайыз, доллар менен 5 пайызды түзөт.
Фермелерге карата коюлган негизги талап көчөттөрдү отургуза турчу жер тилкеси болуп, багбанчылык боюнча окуудан өтүшү шарт.
Ал эми көчөттөрдү жеткирчү чарба менен компаниялардын бул багыттагы тажрыйбасы 3-5 жылдан кем болбошу керек. Ошондой эле тажрыйбалуу адистер жана иштеп жаткан багы болушу да талаптардын бири. Андан сырткары сунуштаган көчөттөрдүн 80 пайызы өсүп кетет деген кепилдик менен фермерге үч жыл бою кеп-кеңеш берип турушу керек.
