Касенов: Бабановдун өнүктүрүү фонддон алган акчасын эл аралык компания көзөмөлдөйт
Өмүрбек Бабановдун өнүктүрүү фонддон алган акчасын эл аралык ишкана көзөмөлдөп жатат. Бул тууралуу Орус-кыргыз өнүктүрүү фондунун башкармалыгынын мүчөсү Аймен Касенов Sputnik Кыргызстан агенттигине маек куруп жатып билдирди.
Анын айтымында, фонд бардык каалоочуларга насыя берүүгө даяр.
"Бабановдун Орус-кыргыз өнүктүрүү фондунан насыя алышын саясатташтыруунун кереги жок. Төрт соода борбор куруу үчүн насыя берилген. Алардын бирин ушул Бабановдун келинчегине катталган ишкана алган. Бүгүнкү күндө соода борбор курулуп жатат. Эгерде Бабанов насыянын акчасын саясатка жумшап жиберсе ошондо сүйлөшөлү. Колунан келип, жасайм десе кыла берсин", — деди Касенов.
Ал насыя алган тарапты эл аралык компания көзөмөлгө алып жатканын кошумчалады.
