Орозова: жеңилдетилген насыя берүүдө талаптарды жеңилдетүү керек
Насыя берүүдө талаптарды жеңилдетүү керек. Бул тууралуу КСДП фракциясынын депутаты Карамат Орозова парламентте ар кандай маселелер каралып жатканда билдирди.
Анын айтымында, ишкерлердин насыя алуу үчүн коюлган активдери төмөн бааланууда.
"Акыркы учурда ишкерлерди колдоо максатында бардык иш-аракеттер жасалып жатат. Алсак жеңилдетилген насыялар берилүүдө. Бирок ошол насыяны алуу үчүн арыз бергендердин 30 пайызына гана акча берилет экен. Анткени кредит алуучуларга талап өтө эле жогору", — деди депутат.
Эл өкүлү мурда насыя алып, аны төлөөгө келгенде 10 күн кечиктирген ишкерлерге жеңилдетилген насыя берилбей жатканын, бул учурда алардын шарты эске алынбай калганын кошумчалады.
