БИШКЕК, 25-май — Sputnik. АКШнын 45-президенти Дональд Трамптын биринчи эл аралык иш сапары дүйнө коомчулугунун эсинде өлкө башчынын бир нече жолу ыңгайсыз абалга туш болушу менен калды. Бул тууралуу британиялык Telegraph агенттиги жазды.
Ушу тапта көпчүлүк басылмалардын биринчи беттеринде АКШнын биринчи айымы эл алдында жолдошунун шагын сындырып, колун карматпай койгондугу боюнча жаңылыктар байма-бай чыгып жатат.
Трамптын Израилге болгон расмий иш сапары учурунда өлкө башчысы аялына колун көпкө чейин сунган. Алгач Мелания аны көрмөксөн болуп, кийин күйөөсүнүн колун түртүп салган. Ыңгайсыз абалда калган Трамп галстугун оңдоп кирген.
Экинчи окуя Трамп Римге келип конуп, учактан түшүп бара жатканда болгон. Видеодо көрүнгөндөй учактан жаңы эле чыккан Дональд Трамп Меланияны колунан кармайын дегенде жубайы колун тартып алып, чачын түздөмүш болгон.
The Telegraph агенттиги Трамптардын ыңгайсыз абалда калган окуяларын тизмектеп чыкты. Алардын экөө жогоруда көрсөтүлдү.
Алгачкы жана чоң талкуу жараткан окуя жаңы президент менен канайымдын инаугурация маалында Барак Обаманын үй-бүлөсү менен кезиккен учурунда болгон. Эреже боюнча Ак үйгө жубайы менен чогуу кире турган Дональд Трапм Меланияны унутуп коюп эле өзү алдыга кетип калган. Жыйынтыгында биринчи айым унаадан өз алдынча чыгып, резиденцияга жалгыз басып барууга мажбур болгон.
— Marv (@marv_vien) 23 января 2017 г.
Биринчи айымдын ошол эле инаугурация күнүндөгү жүзүндөгү эмоциясы элдин эсинде көпкө чейин калмай болду. Анда Мелания жолдошу караган маалда жылмайып туруп, ал жүзүн бураары менен кабагын бүркөгөн. #FreeMelania жана #SadMelania хештегдери менен көңүлү суз Мелания Трамптын сүрөттөрү интернетти каптап кеткен. Меланиянын ошондогу жоругу ушул убакка чейин табышмак бойдон калууда.
Did they actually kiss? #inauguration2017 pic.twitter.com/v5s9O12Xof
— Jezebel (@Jezebel) 20 января 2017 г.
Журналисттердин көңүлүн Трамптын президенттик милдетине расмий киришкендеги сөзүнөн кийинки окуя дагы бурган. Анда кадрга жубайлардын бири-бирин өөп жаткандай түр көрсөткөн кыймылдары түшүп калган.
Меланиянын жолдошунун колун силкип салганы президент өз милдетин аткаруу үчүн Вашингтон шаарына келгенде дагы кайталанган.
Melania appears to subtly nudge Trump during national anthem, reminding him to lift his hand https://t.co/NZoaj1H2zN https://t.co/BJN3bdGh1W
— CNN (@CNN) 17 апреля 2017 г.
Кайсы бир майрамда өлкөнүн гимни аткарылып жатканда, президент колун жүрөгүнө коюуну унутуп койгон. Ошол маалда жубайы күйөөсүнүн колун силкип,эрежелерди эсине салган.
I'm so glad this GIF exists. pic.twitter.com/a4BNmzfa5C
— summer. (@SummerNazif) 21 января 2017 г.
Акырында дагы бир кызыктуу жагдай — соцтармактардын колдонуучулары АКШнын мурдагы президенти менен азыркысынын үй-бүлөлөрүн салыштырып жатышат.
