БИШКЕК, 17-май — Sputnik. Бишкекте 20-21-май күндөрү кыргыз күрөшү боюнча эл аралык турнир өтө турганын Жаштар иши, дене тарбия жана спорт агенттиги билдирди.
Улуттук оюн боюнча мелдеш Каба уулу Кожомкул атындагы спорт ордосунда өтөт. Ага жакынкы чет өлкө менен Кыргызстандын булуң-бурчунан келген спортчулар алты салмак категориясы боюнча күч сынашмакчы.
"Байгелүү орундарды алган балбандар диплом, медаль жана баалуу байгелер менен сыйланат", — деп айтылат билдирүүдө.
Турнирди Спорттун улуттук түрү боюнча дирекциясы жана Кыргыз күрөш федерациясы уюштурууда.
