БИШКЕК, 26-апр. — Sputnik. Президент Алмазбек Атамбаев жарандардын жана коноктордун коопсуз эс алуусун ар тараптан камсыздоо үчүн алдыдагы туристтик сезонго зарыл чараларды көрүүнү тапшырды. Бул тууралуу өлкө башчынын маалымат кызматы билдирди.
Ага ылайык, 25-апрелде Атамбаев Чолпон-Ата шаарындагы мамлекеттик резиденцияда транспорт министри Жамшитбек Калилов менен Ысык-Көл облусунун жетекчиси Узарбек Жылкыбаевди кабыл алган.
Мамлекет башчынын айтымында, даярдалып жаткан иш-чаралар менен белгиленген долбоорлорду сапаттуу ишке ашыруу аркылуу туристтик агымды арттырып жана облустун социалдык-экономикалык өнүгүүсүн чечүүгө шарт түзүлөт.
