БИШКЕК, 10-апр. — Sputnik. Белгилүү актер Назым Мендебаиров Токтоболот Абдымомунов атындагы Кыргыз улуттук драма театрынын директору болуп дайындалды. Бул тууралуу Sputnik Кыргызстан агенттигине Маданият, маалымат жана туризм министрлиги билдирди.
Мендебаиров буга чейин "Дем" театрын жетектеп келген. Мындан сырткары, тасмаларга тартылып, режиссерлукту да аркалаган.
Эске сала кетсек, буга чейин аталган театрды Кыргыз эл артисти Темирлан Сманбеков жетектеген.
