БИШКЕК, 6-апр. — Sputnik. Иорданиянын королу Абдала II менен АКШ президенти Дональд Трамптын биргелешкен брифингинде кызыктуу окуя болгондугу тууралуу Washington Examiner порталы жазды.
Diplomacy reaches new heights: Jordan's King Abdullah II stands on a box for press conference with Trump https://t.co/QrFzlXllvh pic.twitter.com/B9ibI9DpoG
— Washington Examiner (@dcexaminer) 5 апреля 2017 г.
Трибунага келгенде Иордания лидери Трампка теңелүү максатында коробкага чыгып алды. Коробка кафедранын далдоосунда турганы менен айрым сүрөттөрдөн даана эле көрүнүп калган.
"Эки лидер тең Сирияда химиялык курал колдонуу сыяктуу абдан олуттуу темада сүйлөп жатышкан. Бирок журналисттердин көңүлү коробкага бөлүнүп туруп алды", — деп жазылат макалада.
Маалыматка караганда, АКШ лидеринин боюнун узундугу 188 сантиметр болсо, Иордания королунуку 165 гана сантиметр.
