БИШКЕК, 30-мар. — Sputnik. Индиянын айылдарынын биринде жергиликтүү тургундар падыша кобрасына бөтөлкө менен суу берип жаткан видеосу интернетке жарыяланды. Бул тууралуу Daily Mail басылмасы жазып чыкты.
Негизи бул жыландар адамдан оолак жүрөт, жакын болуудан качып турат, бирок мээ кайнаткан ысык менен суунун жоктугу жаныбарды эл жашаган аймакка барууга аргасыз кылган.
Жергиликтүү тургундар коркпостон, тескерисинче, ага жардам беришкен.
Видеодо көрүнүп тургандай бир эркек адам анын куйругун кармап, экинчиси ага бөтөлкө менен суу берген.
Басылманын маалыматына ылайык, жыйынтыгында индиялыктар жыланды жаныбарларга көз салган атайын жайга жеткиришкен.
Падыша кобрасы дүйнөдөгү эң чоң, уулуу жылан болуп саналат.
