БИШКЕК, 27-мар. — Sputnik. Айыл өкмөт башчылыгына талапкерлер өзүн-өзү көрсөтсө болот. Жаңы демилге "Жергиликтүү өз алдынча башкаруу органдарын шайлоо" жөнүндөгү мыйзам долбооруна сунушталууда.
Ага ылайык, талапкерлерди сунуштаган саясий партиялар үчүн шайлоо күрөөсүн киргизүү да каралган. Талапкер 30 миң сом акча төгүшү керек болот. Эгерде ал шайлоодон жеңилип, бирок 15 пайыздан көп добуш алса акча кайтарылып берилет.
"Республика — Ата-Журт" фракциясынын депутаты Кенжекбек Бокоев сунуштап жаткан мыйзам долборуна ылайык, айыл өкмөт башчыларды айылдык кеңештин депутаттары эмес, эл шайлайт.
