БИШКЕК, 17-мар. — Sputnik. Түрк полициясы террордук топтун эки мүчөсүн кармады. Бул тууралуу РИА Новости агенттиги Hurriyet басылмасына шилтеме берүү менен жазып чыкты.
Маалыматка ылайык, согушкерлер бейшемби күнү Кягытхан районунда болгон операцияда колго түшүрүлгөн. Тинтүү учурунда алардын жанынан эки Калашников автоматы жана 500дөн ашуун ок табылган.
Кармалгандар буга чейин жаңы жыл түнү Стамбулдагы Reina түнкү клубунда 39 кишинин өмүрүн алган теракт жасады деп шектелгендер менен бир топто болгону айтылууда.
Эске сала кетсек, жаңы жыл түнү Стамбулдагы Reina түнкү клубунда терракт болуп, 39 адам каза болуп, 69 адам жаракат алган. Бул каргашалуу окуянын жоопкерчилигин "Ислам мамлекети" террордук тобу өзүнө алган.
