ЖМК: Флинн түрк бийлиги үчүн Фетхуллах Гүлен жөнүндө маалымат чогулткан

© AFP / CHRIS KLEPONISАмерика президентинин улуттук коопсуздук боюнча мурдагы кеңешчиси Майкл Флинндин архивдик сүрөтү
Америка президентинин улуттук коопсуздук боюнча мурдагы кеңешчиси Майкл Флинндин архивдик сүрөтү - Sputnik Кыргызстан
Жазылуу
Майкл Флинн Түркия бийлигине маалымат таап берүү үчүн 500 миң доллар өлчөмдө акча алган.

БИШКЕК, 12-мар. — Sputnik. Америка президентинин улуттук коопсуздук боюнча мурдагы кеңешчиси Майкл Флинн Түркия бийлиги үчүн АКШда жашап жаткан Фетхуллах Гүлен жөнүндө маалымат чогулткан. Бул тууралуу РИА Новости New York Times басылмасына шилтеме жасап билдирди.

Маалыматка ылайык, Майкл Флиннди Түркиянын президенти Режеп Тайип Эрдогандын администрациясына жакын адамдар жалдаган. Буга чейин анын фирмасы мындай кызмат көрсөтүү үчүн 500 миң доллар алгандыгы айтылат.

АКШны желеги. Архив - Sputnik Кыргызстан
АКШ башка өлкөлөргө каржылык жардамды кыскартууга белсенип жатат
Ошондой эле New York Times басылмасы АКШдагы президенттик шайлоо күнү Флинндин The Hill интернет-басылмасына чыккан макаласын эске салат. Анда ал Гүленди радикал исламист экендигин айтып, Америкада ага мектептерди ачууга бийлик уруксат берип, киреше таап жаткандыгын сындаган.

Ал макала азыр да коомчулуктун назарында турат.

2016-жылдын 16-июлунда көтөрүлүшчүлөр Түркияда төңкөрүш жасоого аракет кылган. Негизги каршылыктар Анкара жана Стамбул шаарларында болгон. Көтөрүлүш токтотулганы менен 240 түрк жараны каза таап, 2 миңден ашык адам жаракат алган.

Түрк бийлиги төңкөрүш аракетине Гүленди күнөөлөп, АКШдан аны экстрадиция кылууну суранган. Ал эми диний аалым өзү көтөрүлүштү сынга алып, ага тиешеси жок экендигин айтып чыккан.

Жаңылыктар түрмөгү
0