БИШКЕК, 28-фев. — Sputnik. Март айы кар аралаш жаан менен башталса да өлкө аймагында үшүк жүрбөй турганын Кыргызгидрометтин метеобожомол бөлүмүнүн башчысы Махбуба Касымова Sputnik Кыргызстан агенттигине билдирди.
Анын айтымында, жаай турган жаан-чачындын нормасы бир айлык чектен ашат.
Чүй менен Талас облустарынын дыйканчылык аймактарында орточо эсеп менен абанын температурасы түнкүсүн 7, күндүз 22 градуска чейин көтөрүлүшү күтүлүп жатат.
Ал эми Ош, Жалал-Абад жана Баткен облустарында түнкүсүн 3, күндүз 23 градуска чейин ысышы божомолдонууда.
Ысык-Көлдө март айында түнкүсүн 2 градуска чейин суук болсо, күндүз 10 градуска чейин жылуу болот.
Нарындын дыйканчылык аймагында түнкүсүн 8 градуска чейин суук болсо, күндүз 8 градус жылуу болушу күтүлүп жатат.
