БИШКЕК, 27-фев. — Sputnik. Ош облусунун аймактарында кар көчкү түшүү коркунучу жаралган тилкелерди аныктоо иштери жүргүзүлгөнүн ӨКМден кабарлашты.
Билдирмеге караганда, Араван районуна караштуу Чөгөм айылында, Тектир, Чоң-Тектир жана Чүнүр участкаларындагы алты турак жай кооптуу аймакта жайгашканы такталган.
"Түзүлгөн кырдаалга байланыштуу акт түзүлүп, төрт турак-жай ээлери убактылуу туугандарынын үйүнө көчүрүлдү", — деп айтылат маалыматта.
Учурда калган эки үй-бүлөнү көчүрүү жагы каралып жатат.
