БИШКЕК, 25-фев. — Sputnik. Франциянын айрым активисттери АКШнын мурдагы президенти Барак Обаманы Франциянын президенттигине көрсөттүнү каалап жатышканын РИА Новости агенттиги ABC News телеканалына шилтеме берүү менен билдирди.
Активисттер Париждин ичине Обаманын сүрөтүн илип, анын алдына "Obama17" деп жазып, ушундай аталыштагы сайтка кирүүнү суранышкан. Сайтта болсо алар Обаманы колдоо үчүн петицияга кол коюуга чакырып, бир миллион кол топтоону максат кылышууда.
Активисттердин айтымында, аларга мындай идея Обаманын президенттик мөөнөтү аяктаарына эки ай калганда келген.
Бирок ABC News каналынын билдиришинче, Франциянын президенти болуш үчүн талапкерлер француз болушу керек. Активисттер кандай болгон күндө дагы кишилерге үмүт берип, аракеттерди көрүү керектигин баса белгилешүүдө.
