БИШКЕК, 24-фев. – Sputnik. Өзбекстандагы азоттук жер семирткич чыгарган ири заводдо жарылуу болгонун Sputnik Өзбекстан өлкөнүн ӨКМине шилтеме берип жазып чыкты.
Маалыматка караганда, жарылуу бейшемби күнү саат 17.30да (Бишкек убактысы) “Ферганаазот” ишканасында болгон.
“Ремонт иштери жүрүп жаткан кезде жарылуу болду. Каза болгондор бар”, — деп айтылат маалыматта.
ӨКМ каза болгондордун санын атай элек. Ведомстводон билдиришкендей учурда кырсыктын келип чыгуу себептерин аныктоо жана курман болгондордун туугандарына жардам көрсөтүү иштери жүрүп жатат.
“Ферганаазот” ишканасы химиялык жер семирткичтерди чыгаруу менен алектенип, “Узкимесанот” акционердик компаниясынын курамына кирет.
