БИШКЕК, 18-фев. — Sputnik. Президент Алмазбек Атамбаев Брюсселге болгон иш сапары учурунда Euronews телеканылына маек куруп, Кыргызстандагы президенттик шайлоо жана мураскер тууралуу суроолорго жооп берди.
Атамбаев бул акылга сыйбаган нерсе экенин белгилеп, мындай нерсени мамлекетти абсурддук абалга алып келген саясатчылардын айтканы экенин билдирди.
"Биздин мамлекет бардык кошуналардан көз каранды болгон учурларды баштан өткөрдү. Алар кааласа газды, электр энергиясын жана башка нерселерди бууп койчу. Бүгүн биз таптакыр башка мамлекетпиз. Путин таптакыр башка маселелер боюнча келет. Биздин талкуулай турчу эки тараптуу маселелер бар. Ал эми Кыргызстанда ким президент болорун Москва, же Вашингтон чечпейт. Аны Кыргызстандын жарандары өздөрү тандайт", — деди Атамбаев.
Президент ошондой эле Кыргызстан өз маселесин өзү чече алган мамлекет экенин баса белгиледи.
Эске салсак, Россиянын президенти Владимир Путин Кыргызстанга февраль айынын аягында келери айтылууда.
