БИШКЕК, 18-фев. — Sputnik. Президент Алмазбек Атамбаев Германиянын Мюнхен шаарынан Ачык коом институтунун негиздөөчүсү Жорж Сорос менен жолукту. Бул тууралуу КР президентинин маалымат кызматы билдирди.
Эске салсак, Кыргызстандын президенти Алмазбек Атамбаев иш сапары менен Бельгияга барган. Бул сапардын алкагында Атамбаев Германиянын Мюнхен шаарында өтө турган коопсуздук боюнча конференцияга катышууда. Ошондой эле Германиянын канцлери Ангела Меркель менен жолугуп, кыргыз-немис мамилелеринин актуалдуу маселелерин талкуулашат.
Атамбаев менен Сорос Кыргызстандагы "Сорос" фондусунун ишмердигин жана маданий-гуманитардык, социалдык-экономикалык негиздеги программаларды ишке ашырууну талкуулашты.
