БИШКЕК, 12-фев. — Sputnik. Жаңы Зеландиянын түштүк аралынын жээгине чыгып калган дельфиндердин 200гө чукулу суунун толкунунан улам деңизге кайра сүзүп кете алды. Бул тууралуу РИА Новости Ассошиэйтед Пресс агенттигине шилтеме берүү менен жазып чыкты.
Учурда аларды аман сактап калуу аракеттери уланууда, бирок дельфиндер жээктен алыстап сүзүп кетпей жатышат. Куткаруучулар кайык менен аларга багыт көрсөтүп, океанга сүзүп кирүүсүнө жардамдашууда.
Жаңы Зеландияда дельфин менен киттердин массалык түрдө жээкке чыгуусу алгачкы жолу болуп жатат.
Жер бетинде ар кайсы убакта жана түрдүү жерде мындай окуялардын келип чыгуу себебин окумуштуулар аныктай албай келет. Бирок бул жандыктардын бирөөсү жээкке чыгып калса, калгандары дагы аны куткаруу үчүн чыгаары айтылып жүрөт.
