Марк Цукерберг АКШ президенти Трамптын качкындарды өгөйлөгөнүн сындады

© Sputnik / Владимир Астапкович / Медиабанкка өтүүЛекция Марка Цукерберга в МГУ
Лекция Марка Цукерберга в МГУ - Sputnik Кыргызстан
Жазылуу
АКШнын президенти Дональд Трамп кечээ Американын качкындарды кабыл алуусун 120 күнгө токтоткон жана өлкөгө кирүү эрежелерин татаалдаткан Жарлыкка кол койгон.

БИШКЕК, 28-янв. — Sputnik. Facebook социалдык тармагынын негиздөөчүсү Марк Цукерберг кечээ АКШ президенти Дональд Трамп  качкындар боюнча кол койгон Жарлыкты сындады. Бул туурасында Марк Цукерберг аталган социалдык тармактагы баракчасына жазды

АКШнын президенти Дональд Трамп кечээ Американын качкындарды кабыл алуусун 120 күнгө токтоткон жана өлкөгө кирүү эрежелерин татаалдаткан Жарлыкка кол койгон. Трамптын сөзүнө караганда "экстремалдуу тандоо" деп аталган бул документин максаты — "радикалдашкан мусулман-террочуларды" өлкөгө киргизбөө.

"Менин түпкү аталарым Германия, Австрия, Польшадан, ал эми Чан Прицсилланын (Цукербергдин жубайы – ред.) түбү Кытай менен вьетамдыктар. АКШ — жер которуп келгендердин улуту, биз муну менен сыймыктанышыбыз керек", — деп жазган Цукерберг.

Ал басымды "коопсуздук жараткандарга" жасоону айтып, бирок качкындар менен жардамга муктаж болгондорго эшик ачуу керектигин жазган.

Буга чейин Трамптын чоң атасы менен чоң энеси АКШга Германиянын Кальштадт шаарынан жер ооштуруп келгендиги маалымдалган.

Жаңылыктар түрмөгү
0