Калзат Камчыбек кызы: беш жашымда ди-джей болуп иштеп баштагам
Радиодо ди-джей болуп 5 жашынан тарта иштей баштаганын жаш алып баруучу Калзат Камчыбек кызы Sputnik Кыргызстан маалымат агенттигине билдирди.
Калзат учурда балдардын "Баарын билгим келет" телеберүүсүн алып барып, Балдар FM радиосунда ди-джей болуп иштейт.
"Беш жашыман баштап ди-джей болсом, жети жашымда балдар берүүлөрүн алып бара баштадым. Эфирге чыкчу сценарийлеримди болсо бат эле жаттап алам. Мисалы, эки барак сценарий жазып беришсе аны жарым саатта жаттайм. Өзүм түштө окугандыктан түшкө чейин үй тапшырма жасап, кээде съемкага чыгам", — деди Калзат.
12 жаштагы Калзат келечекте алып баруучулук кесипти улантып жаңылыктарды алып барган диктор болууну самайт.
