Эл аралык Bala Turkvizyon-2015 сынагына катышып "Алтын үн" номинациясынын ээси аталган 13 жаштагы Айдин Нурдинов Sputnik Кыргызстан агенттигинде Жаңы жылга карата россиялык белгилүү ырчы Дима Биландын Beliеve me ырын аткарып берди.
Келечекте Кыргызстандын мега жылдызы болууну кыялданган жаш ырчы азыртадан өзүнө имидж ойлоп таап стилист, дизайнерлер менен иштеше баштаган.
"Менин продюсерим — апам. Ал бардык жактан мени колдоп турат. Мен ырдап жатканда өзү ырдап жаткандай толкунданып, чач тарачым бошобой же жок болуп калса өзү жасай калып, айтор, ар дайым мени менен жүрөт", — деди жаш ырчы.
Кыялдары акырындык менен аткарылып келе жатканын айткан Айдин президенттик балатыга да катышты.
