БИШКЕК, 26-дек. — Sputnik. Бишкек аймактык шайлоо комиссиясы добуш берүүнүн жана шаардык кеңешке болгон шайлоонун жыйынтыктарын чыгарды.
Шайлоо 11-декабрда 22 шаар менен 380ден ашык айыл аймакта өттү. Бишкек шаардык кеңешке 14 партия талапкерлигин койгон. Бишкек аймактык комиссиясынын маалыматына караганда, жети пайыздык чектен ашкан беш партия шаардык кеңешке өттү.
- КСДП — 25,8 пайыз — 13 мандат;
- "Республика — Ата-Журт" — 24,6 пайыз — 12 мандат;
- "Өнүгүү — Прогресс" — 15,5 пайыз — сегиз мандат;
- "Мекеним Кыргызстан" — 13,2 пайыз — жети мандат;
- "Кыргызстан" — 9,5 пайыз — беш мандат.
Жыйынтыктарды Бишкек аймактык шайлоо комиссиясынан кийин Борбордук шайлоо комиссиясы ырасташы керек.
