БИШКЕК, 22-дек. — Sputnik. Телекоммуникациялык жабдууларды чыгарган финляндиялык Nokia америкалык Apple компаниясынын үстүнөн Германия менен АКШдагы бир нече сотторго кайрылды. Кеп патент мыйзамын бузган фактылар туурасында болуп жатат деп билдирген фин компаниясы. Бул боюнча РИА Новости жазды.
Компания Apple алардын "2011-жылдагы портфелиндеги" патенттелген табылгаларды колдонууну тиешелүү түрдө лизенциялоодон баш тарткан. Бул технологиялар программалык жактан камсыздоо, дисплей жана колдонуучулук интерфейске тиешелүү.
"Apple" компаниясынын бул патенттерди колдонуусу жаатында кепке келүү боюнча бир нече жылдар бою сүйлөшүүлөрдөн соң, өзүбүздүн укуктарды коргоо боюнча кадамдарды баштайбыз", — деп айтты Nokia компаниясынын патенттик иштери боюнча жетекчиси Илкки Рахнасто.
Компания алардын укуктарынын бузулушу жана башка юрисдикциялар боюнча юридикалык аракеттерди жасоо иштерин четке каккан жок.
