Баланы өлтүрүүгө шектелген жаран кокусунан бычак сайып алганын айтса, маркумдун энеси кылмышкер жазасыз калбашы керек экенин билдирди. 21.12.2016, Sputnik Кыргызстан
Баланы өлтүрүүгө шектелген жаран кокусунан бычак сайып алганын айтса, маркумдун энеси кылмышкер жазасыз калбашы керек экенин билдирди.
БИШКЕК, 21-дек. — Sputnik. Жалал-Абад облусундагы Сузак районунда 20-декабрда болгон массалык мушташ учурунда каза тапкан бала быйыл үйлөнмөк. Бул тууралуу Sputnik Кыргызстан агенттигинин аймактык кабарчысы билдирди.
Белгилей кетсек, Сузак районуна караштуу Мундуз жана Ак-Баш айылынын 18-20 жаштагы тургундарынын ортосундагы пикир келишпестик мушташка айланган. Натыйжада Мундуз айылынын 20 жаштагы тургуну көкүрөккө бычак жеп жан берген.
Натыйжада Мундуз айылынын 20 жаштагы тургуну көкүрөккө бычак жеп жан берген.
Каза болгон баланын апасы Нургүл Жороева Россияда иштейт. Ал окуяны угар замат мекенине кайтып келген.
"Балам Россияда төрт жыл иштеп Кыргызстанга бир ай мурун келген. Ал быйыл үйлөнүүгө камынып жаткан. Баламды өлтүргөн кылмышкер жазасыз калбашы керек", — деди маркумдун апасы.
Ал эми баланы өлтүрүүгө шектелген жаран кокусунан бычак сайып алганын айткан.
"Ал баланын жанында жүргөн достору мени жана досторумду кармап алып уруп, машинамды тартып алышты. Ошондон улам ызы-чуу чыгып кетти", — деп шектүү билдирген.
Учурда массалык мушташка катышкан бардык балдар Сузак райондук ИИБдин убактылуу кармоочу жайына киргизилген.
