БИШКЕК, 19-дек. — Sputnik. Пуэрто-риколук Стефани Дель Валле "Дүйнө сулуусу — 2016" титулуна ээ болду. Аталган сынак АКШда жекшемби күнү жыйынтыкталды. Иш-чара боюнча конкурстун уюштуруучулары Twitter баракчасына жазып чыгышканын РИА Новости билдирди.
Финалга чыккан бешиликке Дель Валледен сырткары, Кения, Индонезия, Доминикан Республикасы жана Филиппиндин сулуулары кирген.
"Дүйнө сулуусу — 2016" сынагындагы жеңүүчү пуэрто-риколук Стефани Дель Валле, Доминикан Республикасынын өкүлү Мигелина Рейес Рамирес жана индонезиялык Наташа Маннуэла
© REUTERS / Joshua Roberts
Эскерте кетсек, аталган сынакка Кыргызстандын атынан Перизат Расулбек кызы барган. Бирок ал сынакта жарым финалга чыккан жок.
"Дүйнө сулуусу" 1951-жылдан бери уюштурулуп келген кадырлуу сынактардын бири.
