2017-жылдын жылдын апрель-май айында жер титирөөнүн саны сегиз миңге чукулдайт, бирок бул анча деле коркунучтуу эмес. Мындай маалыматты Sputnik Кыргызстан агенттигине Улуттук илимдер академиясынын Сейсмология институтунун директору Канат Абдрахматов билдирди.
Акыркы айлары Кыргызстандын түштүк аймагында арбын кездешсе, эки күн ичинде Нарын жана Чүй облусунда жердин термелүүсү катталды.
"Адатта жаңы жылга жакын декабрь, январларда сейсмикалык активдүүлүк күчөйт. Дагы бир сезон бар, май-апрелде мен айткан сейсмикалык активдүүлүк күчөп, саны кескин көбөйүп, сегиз миңге жетиши болжолдонуп жатат", — деди Абдрахматов.
Башкы сейсмолог анткен менен бул орточо күчтүү силкинүү болгондуктан, анча кооптонуунун кереги жоктугун айтты.
Абдрахматов бул боюнча азыр иликтөөлөр жүрүп, жогорудагы божомол азыр такталып жаткандыгын кошумчалады.
