БИШКЕК, 12-дек. — Sputnik. Түркиядагы эки теракттын жоопкерчилигин "Күрдстан эркиндигинин шумкарлары" радикалдык тобу өз мойнуна алды. Бул тууралуу Рейтер агенттигине шилтеме берип, РИА Новости жазып чыкты.
Стамбулда болгон жардырууда курман болгондорго байланыштуу Атамбаев түрк президентине көңүл айтты.
Акыркы маалыматтарга караганда 10-декабрда болгон жардырууларда 38 адам каза болгон, алардын 30у полиция кызматкерлери болчу.
Мурдараак Түркиянын вице-премьери Нуман Куртулмуш терактка Түркияда тыюу салынган "Күрд жумушчу партиясынын" тиешеси жок деп эсептээрин билдирген.
Кыргызстандын Тышкы иштер министрлигинин маалыматына караганда, Түркиядагы терактта курман болгон же жабыркаган кыргызстандыктар жок.
Ал эми жардырууну уюштурган топтун берген маалыматында, алар негизги бута катары түрк элин эсептебегенин айткан.
